Toni uchun APL grandlari qattiq kurash olib boradi

 25 DEKABR, 2023, 08:36

"Tottenxem" – "Brentford" hujumchisi Ayven Toniga yana bir da'vogar.

Bir necha oydirki, 27 yoshli futbolchi uchun kurashda qishki transfer oynasida “Arsenal” va “Chelsi” klublari yaqqol favoritlar deb hisoblanmoqda. Jurnalist Ed Aaronsning so'zlariga ko'ra, "Tottenxem" ham Toni bilan shartnoma imzolash imkoniyatini o'rganayotgan klublar qatorida. "Brentford" allaqachon futbolchining ketishi ehtimoli katta ekanligini tan olgan.

Toni joriy mavsumda maydonga tushmadi - u noqonuniy pul tikish tufayli yanvar oyi o'rtalarigacha diskvalifikatsiya qilingan. Transfermarkt portali angliyalik futbolchining narxini 35 million evroga baholamoqda.