"MYu" 21 yoshli futbolchi uchun 103 million evrolik taklif tayyorlamoqda

 4 NOYABR, 2025, 07:24

"Manchester Yunayted" "Brayton" yarim himoyachisi Karlos Balebani sotib olish rejasidan voz kechmayapti.

"Qizil iblislar" o'tgan yozdayoq xavbekni o'z safiga qo'shib olishdan manfaatdor edi, ammo "chaykalar" uni sotish imkoniyatini ko'rib chiqishdan bosh tortdi. Indykaila News xabariga ishonadigan bo'lsak, hozirda klublar kamerunlik futbolchining 2026 yilda ehtimoliy transferini muhokama qilmoqda. "Manchester Yunayted" 21 yoshli futbolchi uchun 90 mln funt (deyarli 103 mln evro) to'lashga tayyor.

Mashhur Transfermarkt portalida Karlos Balebaning taxminiy narxi - 60 mln evro. Futbolchining "Brayton" bilan amaldagi kelishuvi 2028 yilgacha mo'ljallangan.