17 yoshli futbolchi "Manchester Siti"ga 25 million evroga tushadi

 25 DEKABR, 2023, 07:24

"Manchester Siti" "River Pleyt"dan Klaudio Echeverri uchun tovon puli to'lashga tayyor.

Avvalroq 17 yoshli yarim himoyachiga "Barselona", "Manchester Siti", "Chelsi" va "PSJ" klublari qiziqish bildirayotgani haqida xabar berilgandi.

Jurnalist Janluidji Longari xabariga ko'ra, "Manchester Siti" Echeverri uchun 25 million evro tovon to'lashga tayyor. 17 yoshli yarim himoyachini o'zining asosiy maqsadlaridan biri deb biladigan "Barselona" uning transferi uchun pul to'lashga tayyor emas va yarim himoyachini 2024 yilda erkin agent sifatida sotib olishni istamoqda.

O'tgan mavsumda Echeverri Argentina chempionatida beshta o'yinda maydonga tushib, bitta golli uzatmani amalga oshirgan. Futbolchi 17 yoshgacha bo'lgan o'smirlar o'rtasidagi jahon chempionatida ham terma jamoa safida ishtirok etgan.