Manchesterning ikki grandi "Lester"ning 16 yoshli iqtidori uchun kurashadi

 4 NOYABR, 2025, 07:06

"Lester" chap qanot vingeri Jeremi Monga Premer-liga grandlari nazariga tushdi.

Football Insider xabariga ko'ra, "Manchester Siti" va "Manchester Yunayted" kelasi yozda 16 yoshli angliyalik iqtidorni o'z safiga qo'shib olishga jiddiy harakat qiladi.

"Shaharliklar" shu yilning aprelida Monga bo'yicha muzokaralar o'tkazib ko'rgan edi. Ammo o'shanda ularga rad javobi berilgan.

Monganing hozircha "tulkilar" bilan professional shartnomasi yo'q. U transfermarkt portalida 8 million evroga baholanmoqda.

Monga bu mavsumda 12 ta o'yinda 1 tadan gol va assist muallifi bo'lgan.