"Barselona" Levandovskiga narx belgiladi

 25 DEKABR, 2023, 06:48

"Barselona" Robert Levandovskini sotish haqida o'ylamoqda.

Bir necha bor ta'kidlanganidek, Kataloniya klubi 35 yoshli forvardning joriy mavsumdagi o'yinidan mamnun emas. Polshalikning o'zi va uning agenti 2025 yilgacha ketish imkoniyatini ko'rib chiqmayapti, ammo transfer hali ham amalga oshishi mumkin. Xabarlarga ko'ra, "Barselona" futbolchini keyingi yozda 20 million evro evaziga qo'yib yuborishga tayyor. Robert Levandovskiga Saudiya Arabistoni klublari qiziqish bildirishdi, ammo hujumchi rad javobini berdi.

"Bavariya"ning sobiq yulduzi Xavi Ernandes jamoasi safida bu mavsum 21 ta o'yinda maydonga tushib, 9 ta gol va 5 ta golli uzatmaga mualliflik qilgan.