Niderlandiya darvozaboni: "0:2 hisobida ortda borib, penaltilar seriyasigacha borishimiz - qahramonlik"

 10 DEKABR, 2022, 11:05

Andris Noppert JCh-2022 1/4 finalida Niderlandiyaning Argentinadan uchralgan mag'lubiyatiga (2:2, 3:4 pen) izoh berdi.

"Men o'zimni qanday his qilyapman? Juda yomon. Biz oldinga borishni xohladik, maqsadimizga imkon qadar yaqin edik. Lekin bu ish bermadi.

Boshqa tomondan, men jamoa va murabbiy bilan faxrlanaman. Mamlakatda menga ishongan, meni qo'llab-quvvatlagan insonlar bilan faxrlanaman. Stadiondagi muxlislar ajoyib edi. Menga atmosfera yoqdi. Hamma ko'rdi.

Ikkinchi bo'lim yanada qiziqarli o'tdi. O'yinimizda nimanidir o'zgartirdik. Birinchi bo'lim yomonroq o'tdi. 0:2 hisobida mag'lubiyatga uchrab, o'yinni penaltilar seriyasiga aylantira olganimizdan faxrlansak bo'ladi.

Argentina bilan dastlab omadimiz kelmadi, demayman. O'yindan oldin bu uchrashuvda g'alaba qozonishimizga ishongandik. Endi ortga nazar tashlaydigan bo'lsak, bu o'yinda g'alaba qozonish uchun barcha imkoniyatlarimiz borligini aytishim mumkin. Lekin penaltilar seriyasida mag'lub bo'ldik", - deydi niderlandiyalik darvozabon.