OChL: «Nasaf»ning nimchorak finaldagi o'yini sanasi o'zgardi

 10 DEKABR, 2022, 10:54

Osiyo futbol konfederatsiyasi OChL 2022/2023 yilgi mavsumining pley-off o'yinlari yangi sanasini e'lon qildi.

G'arb mintaqasida musobaqaning pley-off bosqich bahslari bir hafta ichida markazlashgan holda o'tkaziladi. Nimchorakfinal o'yinlari avval e'lon qilingan 3-4 fevraldan 19-20 fevral kuniga ko'chirilgan.

Chorakfinal 23 fevral kuni o'tkazilsa, yarimfinal yana 3 kundan keyin – 26 fevralda belgilangan. O'yinlar bu safar ham markazlashgan holda Saudiya Arabistonida o'tkazilishi kutilmoqda.

Finalning dastlabki o'yini 29 aprel, javob bahsi 6 may kuniga belgilangan. Sharq mintaqasida finalga chiqqan jamoaning nomi allaqachon ma'lum bo'lgan — "Urava Red Daymonds" (Yaponiya).

Eslatib o'tamiz, «Nasaf» OChL 1/8 final bosqichida Saudiyaning «Ash-Shabob» klubiga qarshi maydonga tushadi. Ushbu jamoa Saudiya Arabistoni chempionatida 8-turdan keyin 22 ochko bilan peshqadamlik qilmoqda.