Messining klubi yana bir argentinalik futbolchini o'z safiga qo'shib olishi mumkin

 24 DEKABR, 2023, 15:48

"Orenburg" safida Rossiya chempionatida to'p tepayotgan yarim himoyachi Gabriel Florentin faoliyatini MLSda davom ettirishi mumkin.

24 yoshli argentinalik futbolchiga sakkiz karra “Oltin to'p” sohibi Lionel Messi to'p tepayotgan “Inter Mayami” klubi qiziqish bildirmoqda.

Jurnalist Uriel Lugtning ijtimoiy tarmoqlar orqali xabar berishicha, Florentinning transferi bilan shaxsan “Inter” ustozi Xerardo Martino qiziqmoqda.

Yaqin kelajakda amerikaliklar "Orenburg"ga taklif bilan chiqishadi. Joriy mavsumda Gabriel 17 ta o'yin o'tkazib, ikkita gol urdi. Uning transfer narxi 2,5 million evroga baholanmoqda.