Donnarumma: "Darvozabon xatoga yo'l qo'yishi bilan darrov uning ishi qiyinlashadi"

 24 DEKABR, 2023, 15:30

"PSJ" darvozaboni Janluiji Donnarumma futboldagi darvozabonlik dunyodagi eng zo'r kasbmi degan savolga javob berdi.

"Bu eng yaxshi, lekin ayni paytda eng qiyin ish. Darvozabon xatoga yo'l qo'yishi bilan darrov ishi qiyinlashadi", - dedi Donnarumma.

Joriy mavsumda 24 yoshli darvozabon barcha turnirlarda 21 ta o'yinda qatnashib, o'z darvozasidan 20 ta gol o'tkazib yubordi va 9 marta o'z darvozasi daxlsizligini saqlab qola oldi.

17 turdan keyin "PSJ" 40 ochko bilan turnir jadvalida peshqadamlik qilmoqda.

Parijliklar navbatdagi o'yinni 3 yanvar kuni Frantsiya Superkubogi uchun “Tuluza”ga qarshi o'tkazadi.