Skoulz: "Murabbiy uchun eng qiyin narsa bu jamoani gol urishga o'rgatish"

 24 DEKABR, 2023, 15:18

"Manchester Yunayted"ning sobiq yarim himoyachisi Pol Skoulz sobiq jamoasidagi hujumdagi muammolar haqida gapirdi.

Eslatib o'tamiz, barcha turnirlardagi so'nggi to'rtta o'yinda Erik ten Xag shogirdlari birorta ham gol ura olmagan.

Kecha "mankunianliklar" Londonning “Vest Xem” klubiga mehmonda 0:2 hisobida imkoniyatni boy berishdi.

“Murabbiy uchun eng qiyin narsa bu jamoani gol urishga o'rgatish. Siz o'yinchilarning boshiga kirib ololmaysiz, pas yoki darvoza tomon zarba bera olmaysiz.

Hammasi o'yinchilarning o'ziga bog'liq, ularda hozirda ko'p gol urish uchun sifat etishmayapti", - deya Skoulzning so'zlarini keltiradi Center Deveils.

"Manchester Yunayted" hozirda APL turnir jadvalida 8-o'rinda bormoqda.