Mastantuononing jarohatiga Yamalniki bilan bir xil tashxis qo'yildi

 3 NOYABR, 2025, 18:54

«Real» klubi matbuot xizmati argentinalik vinger Franko Mastantuononing tibbiy ko'rigidan keyingi natijalarni ma'lum qildi.

Madrid jamoasining 18 yoshli futbolchisiga "pubalgiya" — oyoq chov qisidagi suyak va mushaklari tutashgan qismidagi surunkali jarohat tashxisi qo'yildi. Ilgari xuddi shu tashxis «Barselona»ning 18 yoshli vingeri Lamin Yamalga ham qo'yilgan edi.

Ispaniyadagi ilk mavsumida Mastantuono «Real» safida 12 ta o'yinda maydonga tushib, bir gol urdi va bir golli uzatma amalga oshirdi.