Skoulz: “Manchester Yunayted”da ayni damda barcha hujumchilar qiynalmoqda, bu katta muammo"

 24 DEKABR, 2023, 14:54

"Manchester Yunayted"ning sobiq yarim himoyachisi Pol Skoulzning fikricha, bu mavsumda jamoadagi har bir hujumchi o'ziga ishonch bilan bog'liq muammolarni boshdan kechirmoqda.

Eslatib o'tamiz, klubning yangi a'zosi Rasmus Xyoylund hali Premer-ligada birorta ham gol ura olmagan.

O'tgan mavsum klub to'purari Markus Reshford chempionatda bor yo'g'i ikkita gol urdi.

“Bir yoki ikkita hujumchining o'ziga bo'lgan ishonchi bilan bog'liq muammolar bo'lishi odatiy hol, ammo “Manchester Yunayted”da ayni damda barcha hujumchilar qiynalmoqda, bu katta muammo.

Jamoaning eng yaxshi to'purari esa himoyaviy yarim himoyachi Skott Maktominay hisoblanadi. Buni norma deb atash mumkin emas.

Hujumchilar o'ziga ishonch yaratishlari kerak", - deya Skoulzning so'zlarini keltiradi Center Devils.