Pochettino: "Mudrik ulkan salohiyatga ega"

 24 DEKABR, 2023, 14:48

"Chelsi" bosh murabbiyi Maurisio Pochettino Mixail Mudrik haqida fikr bildirdi. So'nggi o'yinda ukrainalik futbolchi Liga kubogi chorak finalida “Nyukasl” darvozasiga gol urdi va so'nggi daqiqalarda hisobni tenglashtirgandi.

Shundan so'ng Mudrik “Chelsi”ga penaltilar seriyasida g'alaba qozonishga yordam berdi.

“U yaxshilanishi kerakligini biladi. Mixail hali yosh, lekin u yaxshilanadi, chunki u buning uchun zarur bo'lgan fazilatlarga ega.

Bu yaxshi rivojlanayotgan futbolchi, bundan biz juda mamnunmiz. Vaqt o'tishi bilan Mudrik "Chelsi" uchun juda muhim futbolchiga aylanadi.

Albatta, u hozir ham muhim, kelajakda Mixailning ahamiyati oshadi, chunki u ulkan salohiyatga ega”, - dedi Pochettino “Chelsi” rasmiy saytiga bergan intervyusida.