Levandovski endi "Barsa"da daxlsiz emas

 24 DEKABR, 2023, 14:18

"Barselona" hujumchisi Robert Levandovski endi o'z jamoasida daxlsiz deb hisoblanmaydi.

Sport nashri xabariga ko'ra, "ko'k-anorranglilar" futbolchini yozgi transfer oynasida sotishi mumkin.

"Barselona" rahbariyatining ba'zi a'zolari Levandovskining joriy mavsumdagi o'yinlaridan norozi ekanliklari aytilmoqda.

Eslatib o'tamiz, 35 yoshli polyak Ispaniya chempionatida bor yo'g'i 8 ta gol urdi va 4 ta golli uzatmani amalga oshirdi. Hujumchi La Liganing eng yaxshi to'purarlari beshligiga ham kirmaydi. Eslatib o'tamiz, o'tgan mavsumda Levandovski 34 uchrashuvda 23 ta gol urib, Ispaniya chempionatining "Oltin butsasi"ni qo'lga kiritgan edi.