Alvares "Atletiko"da "Manchester Siti"ga qaraganda ko'proq gol urmoqda

 3 NOYABR, 2025, 18:12

Argentina terma jamoasi hujumchisi Xulian Alvares “Atletiko Madrid” safida o'zining “Manchester Siti” davridagi natijalarini ortda qoldirdi.

2024 yilda ispaniyaliklar safiga qo'shilgan futbolchi shu vaqtgacha 70 ta o'yinda 37 ta gol urgan va 12 ta golli uzatma bergan. Bu uning “shaharliklar”dagi ko'rsatkichidan (103 ta o'yinda 36 ta gol, 19 ta assist) yuqori natija hisoblanadi.

Ma'lumotlarga ko'ra, “Barselona” hali ham Alvaresning faoliyatini yaqindan kuzatmoqda va uni kelgusi mavsum uchun ehtimoliy transfer nomzodlaridan biri sifatida ko'rib chiqmoqda.

25 yoshli argentinalik hozirda Transfermarkt portalida 100 million evroga baholanmoqda. Uning shartnomasi 2030 yilgacha mo'ljallangan.