"Barselona" sardori "Inter"ga o'tishi mumkin

 24 DEKABR, 2023, 13:00

"Barselona" himoyachisi va sardori Serxi Roberto "Inter" futbolchisiga aylanishi mumkin.

Manbaga ko'ra, milan klubi 31 yoshli futbolchini erkin agent sifatida o'z safiga qo'shib olishni rejalashtirgan. “Inter” rahbariyati yanvar oyi boshida ispaniyalik futbolchiga shartnoma taklif qiladi.

Robertoning o'zi hozircha hech qaysi klub bilan dastlabki shartnoma imzolashdan manfaatdor emas. Himoyachi "Barselona"da qolishni istamoqda.

Joriy mavsumda futbolchi kataloniyaliklar safida barcha turnirlarda sakkizta o'yin o'tkazib, uchta gol urgan. Futbolchining shartnomasi 2024 yilning iyun oyi oxirigacha amal qiladi.