"Real"ning yosh yulduzi noma'lum muddatga safdan chiqdi

 3 NOYABR, 2025, 17:42

Madridning "Real" klubi vingeri Franko Mastantuonoda chov sohasida (yuqori son suyagi) jarohat aniqlandi.

Bu turdagi jarohat odatda ortiqcha zo'riqish yoki mushaklarning tortishishi natijasida yuzaga keladi va futbolchilarda ko'p uchraydi.

Tibbiy shtab 18 yoshli argentinalikning tiklanish muddatini yaqin kunlarda aniqlaydi.

Mastantuono joriy mavsumda 12 ta o'yinda 1 ta gol urib, 1 ta assist berdi.