Xorvatiya terma jamoasi darvozaboni Braziliya ustidan qo'lga kiritilgan g'alabaga munosabat bildirdi

 10 DEKABR, 2022, 01:31

Xorvatiya terma jamoasi darvozaboni Dominik Livakovich terma jamoasi jahon chempionatida qanday natijalarga erishayotgani haqida fikr bildirdi.

Xorvatlar penaltilar seriyasida Braziliyadan ko'ra kuchliroq harakat qilib, Qatar mundialining yarim finaliga yo'l olishdi. Zlatko Dalich jamoasi ketma-ket ikkinchi bor jahon chempionati finaliga chiqishga bir qadam qoldi.

"Bizda katta tajriba bor, biz oxirigacha kurashishga va bor kuchimizni maydonda qoldirishga odatlanganmiz - bu bizning g'alabalar retseptimiz", - deydi uchrashuvning eng yaxshi o'yinchisi uchun mukofotni olgan Livakovich. "Qo'llab-quvvatlashlari bizga katta yordam bergan muxlislarimizga o'z minnatdorchiligimni bildiraman. Ko'ramiz, qanchalik uzoqqa borishimiz mumkin", - deya qo'shimcha qildi darvozabon.