Saloh APL tarixidagi eng yaxshi 10-to'purarga aylandi

 24 DEKABR, 2023, 09:00

Muhammad Saloh Premer-liga tarixidagi eng yaxshi to'purarlar ro'yxatida aniq 10-o'ringa ko'tarilib oldi.

“Liverpul” vingeri APLning 18-turida “Arsenal” darvozasiga gol urdi (1:1). Endi misrlikning ushbu turnirdagi gollari soni 151 taga etdi.

Saloh Premer-liga tarixidagi eng yaxshi to'purarlar ro'yxatida Maykl Ouenni ortda qoldirib, aniq 10-o'ringa ko'tarildi.

Muhammaddan Jermeyn Defo (162 gol), Robbi Fauler (163), Terri Anri (175), Frenk Lempard (177), Serxio Aguero (184), Endi Koul (187), Ueyn Runi (208), Xarri Keyn (213) va Alan Shirer (260) oldinda.