logotip
Assalom-u alaykum, Mehmon!
Soat: 10:07
KirishA'zo bo'lish
TAVSIYA QILAMIZ
Yangiliklar tasmasi

Xorvatiya Braziliyani JChdan chiqarib yuborib, yarim finalga yo'l oldi

 9 DEKABR, 2022, 22:59

Qatardagi jahon chempionatining chorak final bosqichidan o'rin olgan ilk uchrashuv kutilmagan natija bilan yakunlandi. Musobaqa g'olibligi uchun eng asosiy da'vogar hisoblanayotgan Braziliya terma jamoasi o'z yurishini bugun to'xtatdi.

Pentakampeonlar Xorvatiyaga qarshi o'yinda yaqqol ustunlikka ega bo'lishmada, ammo vaqti-vaqti bilan xavfli vaziyatlar yuzaga keltirib turdi. Evropaliklar posboni Dominik Livakovich esa o'yin qahramoniga aylandi. U o'yin davomida 10ta seyv namoyish etdi (shundan 5tasi goldan qutqaruvchi seyv).

O'yinning asosiy vaqtida hisob ochilmagach, navbat qo'shimcha bo'limlarga berildi. Ekstra-taymlarning birinchisi yakunlanish arafasida Braziliya chiroyli hujum tashkil qilib, hisobni ochishga muvaffaq bo'ldi. Neymar yo'l-yo'lakay jamoadoshlari bilan ikki marta "devor" o'ynadi va jarima maydoniga kirib, darvozabonni ham aldab o'tgancha bo'sh darvozani ishg'ol qildi!

Qo'shimcha bo'limlarning ikkinchi tugashiga 3 daqiqa qolganida esa Xorvatiya hisobni tenglashtirishga muvaffaq bo'ldi. Jarima maydoniga qanotdan etkazilgan uzatmaga Petkovich 11 metrli nuqta ustida zarba berdi. Zarba muvaffaqiyatli chiqmadi, ammo burchakka borgan zarbani Alisson qaytara olmadi.

Penaltilar seriyasida Livakovich bitta zarbani qaytargan bo'lsa, braziliyaliklarning bir zarbasi ustunga tegib qaytdi. Alisson esa birorta zarbani qaytara olmadi. Penaltilar seriyasida hisob — 4:2. Xorvatiya — yarim finalda!

JCh-2022. Chorak final
Xorvatiya – Braziliya 1:1 (0:0, 0:0, 0:1, 1:0), penaltilar seriyasi - 4:2
Gollar: 0:1 – 105 Neymar, 1:1 – 116 Petkovich.
Xorvatiya – Livakovich, Yuranovich, Lovren, Gvardiol, Sosa (Budimir, 110), Modrich, Kovachich (Maer, 105), Brozovich (Orshich, 114), Perishich, Pashalich (Vlashich, 72), Kramarich (Petkovich, 72).
Braziliya – Alisson, Militao (Aleks Sandro, 105), Tiago Silva, Markinos, Danilo, Kazemiro, Lukas Paketa (Fred, 105), Neymar, Risharlison (Pedro, 84), Rafinya (Antoni, 56), Vinisius Junior (Rodrigo, 64).
Ogohlantirishlar: Danilo (25), Brozovich (31), Kazemiro (68), Markinos (77), Petkovich (117).

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR