"Manchester Yunayted" Dalotning kelajagi borasida bir qarorga keldi

 9 DEKABR, 2022, 21:11

"Manchester Yunayted" qanot himoyachisi Diogo Dalot bilan hamkorlikni uzaytirishdan manfaatdor. Bu haqda ijtimoiy tarmoqlar orqali insayder Fabritsio Romano xabar berdi.

“Qizil iblislar” portugaliyalikning joriy mavsumdagi o'yinidan qoniqish hosil qilishdi va unga yangi shartnoma taklif qilishga tayyor. Tomonlar JCh-2022 yakunlanganidan keyin muzokara stoliga o'tirishadi.

Diogo ayni damda Portugaliya terma jamoasi safida Qatardagi jahon chempionatida ishtirok etmoqda. U ikkita uchrashuvda qatnashib, golli uzatmani amalga oshirdi.

2022/2023-yilgi mavsumda himoyachi “Manchester Yunayted” safida 20 ta o'yin o'tkazib, bitta gol urdi va 5 ta golli uzatmani amalga oshirdi.