Oliyjanob Ziesh. Uning terma jamoadan bir so'm ham olmaganiga sabab nima?

 9 DEKABR, 2022, 19:47

Marokash terma jamoasining eng mashhur futbolchilaridan biri bo'lgan Hakim Ziesh hech qachon terma jamoada o'ynagani uchun pul olmagan.

Ziesh bu daromadini har doim terma jamoa xodimlariga, shuningdek, Marokashning kambag'al oilalariga yuboradi. Bu haqda jurnalist Xolid Beydun ijtimoiy tarmoqlarda gapirdi.

Hakim Ziesh 2015 yilning oktyabr oyida Marokash terma jamoasida debyut qilgan. O'shandan beri vinger jamoa safida 47 ta o'yinda maydonga tushib, 19 ta gol urgan va 11 ta golga assistentlik qilgan.

10 dekabr, shanba kuni Marokash terma jamoasi Portugaliyaga qarshi jahon chempionati 1/4 final uchrashuvini o'tkazadi.