A Seriya klubi o'z himoyachisi bilan yangi shartnoma imzoladi

 9 DEKABR, 2022, 19:03

"Lechche" rasmiy saytida himoyachi Antonio Gallo bilan shartnoma uzaytirilgani haqida xabar berdi.

22 yoshli italiyalikning klub bilan tuzgan yangi shartnomasi muddati 2026 yilning 30 iyuniga qadar mo'ljallangan. Uni yana bir mavsumga uzaytirish mumkin.

Gallo joriy mavsumda “Lechche” safida 13 ta o'yinda maydonga tushdi va 2 ta golli uzatmani amalga oshirdi. Transfermarkt portali himoyachining narxini 2 million evroga baholamoqda.

"Lechche" Italiya chempionati turnir jadvalida 15 o'yindan keyin 15 ochko bilan 16-o'rinda bormoqda.