logotip
Привет, Гость!
Сейчас: 21:26
Вход Регистрация
РЕКОМЕНДУЕМ
Новостная лента

Mutlaqo nogahoniy qahramon

 23 DEKABR, 2023, 23:42

«Instagram» ijtimoiy tarmog'ida 2 million obunachisi bor falastinlik bloger «Gerta» safidagi debyut o'yinidayoq penaltilar seriyasida gol urdi. Diqqatni tortadigan tomoni, Nodir al Jindaui bundan oldin faqat yoshlar miqyosida va Germaniya chempionati quyi divizionlarida o'ynagandi. Aniqroq aytsak, 2022 yilning yozida «Gerta» yoshlar jamoasiga qabul qilingan vinger asosan «Shimoliy-Sharq» hududiy ligasi (To'rtinchi divizion)da to'p surgan. Endi esa birdan Germaniya kubogi 1/8 finalidan o'rin olgan «Gamburg»ga qarshi bahsda «Gerta»dagi debyutini nishonladi. E'tiborli jihat shuki, professional darajada 27 yoshida debyut qilgan Nodir buni gol bilan bezadi.

Tafsilotlarga to'xtalsak, Nodir al Jindaui 80-daqiqada zaxiradan maydonga tushgan vaqt «Gerta» 1:2 hisobida ortda qolayotgandi. Berlinliklar 90-daqiqada muvozanatni tiklashdi, keyin qo'shimcha bo'limlarda ham g'olib tomonni aniqlash imkoni topilmadi - 3:3. Yakunda keyingi bosqich yo'llanmasi taqdiriga penaltilar seriyasi oydinlik kiritdi. Bunda Nodir ham «nuqta»dan zarba berdi va gol urdi. Xullas, falastinlik bloger «Gerta»ning seriyada 5:3 hisobida ustun kelishiga hissa qo'shdi.

Alohida aytish kerak, Germaniyada tug'ilgan asli falastinlik Nodir al Jindaui bloger sifatida ancha tanilgan. Jumladan, «Instagram» tarmog'idagi obunachilari soni 2 millionga etgan bo'lsa, YouTube kanalida chamasi 1,75 million kishi uning sahifasiga yozilgan. Nodir jumladan, «Mening hashamatli hayotim» seriyasiga mansub suratlari bilan mashhur: yaltiroq ko'ylaklar, qimmatbaho kostyumlar, dabdabali avtomobillar. Sahifasida yana oilaviy suratlari ham ko'p. Nodir ayniqsa, turmush o'rtog'i va ikki farzandi bilan tushgan fotolarni tez-tez joylashtiradi «Instagram»ga...

Manba: stadion.uz

butsanet

telegram
BILDIRILGAN FIKRLAR
ЗАБАВНЫЕ ФАКТЫ И ЦИТАТЫ