18 yoshli Yildiz «Yuventus» rekordini o'rnatdi

 23 DEKABR, 2023, 18:06

Italiya chempionatining 17-turi doirasida «Yuventus» o'z maydonida «Frozinone»ni qabul qilmoqda. Bahsning 12-daqiqasida turinliklar hujumchisi Kenan Yildiz hisobni ochishga muvaffaq bo'ldi.

Turkiyalik futbolchi «Yuventus» safida A seriya o'yinida gol urgan eng yosh xorijlik futbolchiga aylandi. Yildiz bugun 18 yoshu 233 kunlik bo'ldi.

Eslatib o'tamiz, bugungi o'yin Kenan uchun "Yuve"ning boshlang'ich tarkibida ilk uchrashuv bo'ldi.