"Real Madrid" Ronalduning jamoadoshini o'z safiga qo'shib olmoqchi

 23 DEKABR, 2023, 15:48

Hozirda Saudiya Arabistoni chempionatida "An-Nasr" safida to'p tepayotgan ispaniyalik himoyachi Aymerik Lyaport La Ligaga qaytishi mumkin.

Bu haqda Todofichajes jurnalistlari xabar bermoqda. Manbaning xabariga ko'ra, 29 yoshli futbolchining xizmatlariga "Real Madrid" qiziqish bildirmoqda.

"Qirollik klubi" Lyaportni tizzasidan olgan jarohati tufayli mavsum oxirigacha maydonga tusha olmaydigan avstriyalik David Alabaga o'rinbosar sifatida ko'rmoqda.

Aymerikning "An-Nasr" bilan shartnomasi 2026 yilning o'rtalariga qadar tuzilgan. Himoyachining transfer narxi 25 million evroga baholanmoqda.