Levandovski "Barsa"dan ketishga tayyor – uning oldida 2 ta variant bor

 23 DEKABR, 2023, 15:30

35 yoshli markaziy hujumchi Robert Levandovski yanvar oyidagi transfer oynasida "Barselona"ni tark etishga yaqin turibdi.

"Ko'k-anorranglilar" rahbariyati hujumchining joriy mavsumdagi o'yinidan norozi va u bo'yicha takliflarni ko'rib chiqishga tayyor.

Todofichajes jurnalistlariga ma'lum bo'lishicha, polyakning agenti Pini Zaxavi Saudiya Arabistoni va MLS klublari bilan muzokaralar olib bormoqda.

Robertning o'zi bu qishda yaxshi taklif bo'lsa, klubini o'zgartirishga tayyor.

Hujumchi joriy mavsum La Ligada 16 o'yinda 8 ta gol urdi va 4 ta golli uzatmani amalga oshirdi. Uning shartnomasi 2026 yilning yozida yakuniga etadi.