Ferran Torres «Barselona» safida yubiley golini kiritdi

 3 NOYABR, 2025, 00:48

2 noyabr kuni «Barselona» o'z muxlislari qarshisida La Liganing 11-turida «Elche»ga qarshi bahs olib bordi - 3:1

Uchrashuvda kataloniyaliklar safida Lamin Yamal, Ferran Torres va Markus Reshford ajralib turdi.

Bu gol Ferran uchun alohida ahamiyat kasb etdi — u «ko'k-anorranglilar» safida 50 ta gol chegarasini zabt etdi. Ispaniyalik hujumchiga bu natijaga erishish uchun 170 ta o'yin kerak bo'ldi.

Joriy mavsumda Torres La Liganing 10 ta bahsida 5 ta gol urdi va 1 ta golli uzatma amalga oshirdi.