“Liverpul” Salohga o'rinbosar topdi

 23 DEKABR, 2023, 14:18

Gollandiyaning "PSV" klubi futbolchisi Joan Bakayoko “Liverpul”ga o'tishi mumkin. 20 yoshli futbolchi Gollandiya chempionatida mavsumning birinchi yarmida barcha o'yinlarda g'alaba qozongan Eyndxoven jamoasida ajoyib o'yin namoyish etmoqda.

ESPN xabariga ko'ra, uzoq vaqtdan beri Bakayoko muvaffaqiyatini kuzatib kelayotgan "Liverpul" futbolchini qishki transfer oynasidagi asosiy maqsadlaridan biriga aylantirgan.

Belgiyalik futbolchi yaqinda Afrika kubogiga jo'nab ketadigan Muhammad Salohning o'rnini vaqtincha egallashi mumkin.

Joan Bakayoko bu mavsumda "PSV" safida 27 ta o'yinda maydonga tushib, 4 ta gol urdi va 13 ta golli uzatmani amalga oshirdi.

Transfermarkt Erediviziya yulduzining transfer qiymatini 40 million evroga baholamoqda.