Avazbek O'lmasaliev erkin agentga aylandi
23 DEKABR, 2023, 14:06
"Bunyodkor" matbuot xizmati himoyachi Avazbek O'lmasalievning Moskvaning TsSKA klubiga o'tishi mumkinligi borasida fikr bildirdi.
"Biz TsSKAning himoyachiga qiziqishi haqida hech narsa bilmaymiz. Ayni paytda vaziyat shundayki, O'lmasalievning "Bunyodkor" bilan shartnomasi yakuniga etdi. U erkin agent", - dedi "Bunyodkor" vakillaridan biri "Sport-Ekspress" bilan suhbatda.
Eslatib o'tamiz, joriy mavsumda 23 yoshli futbolchi toshkentliklar safida 28 ta o'yinda maydonga tushib, bitta gol va bitta golli uzatmaga mualliflik qilgan. Transfermarkt portali ekspertlari uning qiymatini 400 ming evroga baholamoqda.
