Hamyurtimiz BAAda sovrindor bo'ldi

 23 DEKABR, 2023, 14:00

Shu kunlarda BAAning Abu-Dabi shahrida ot sportining konkur yo'nalishi bo'yicha CSI 4*-W tasnifidagi nufuzli turnir o'tkazilmoqda.

Ahamiyatlisi, unda qatnashayotgan O'zbekiston terma jamoasi a'zosi Abdurahmon Abdullaev shohsupaga ko'tarildi.

Hamyurtimiz 140 sm balandlikdagi to'siqlardan sakrash dasturida bronza medaliga sazovor bo'ldi. Bellashuvlarda unga “Quintair” laqabli tulpori hamrohlik qildi. Qayd etish joiz, mazkur dastur shu darajada keskin ruhda o'tdiki, natijalari bir xil bo'lgani uchun birinchi va uchinchi o'rindan ikki nafar sportchi o'rin egalladi.

1. Salim Al Suvaydi (BAA, “Cimberly 23” laqabli otda) – 59.56 soniya
1. Sham Al Assad (Suriya, “Chapeau TN”) – 59.56
3. Abdurahmon Abdullaev (O'zbekiston, “Quintair”) – 62.74
3. Yorg Navi (Germaniya, “Crazy friend”) – 62.74.