logotip
Assalom-u alaykum, Mehmon!
Soat: 22:38
KirishA'zo bo'lish
TAVSIYA QILAMIZ
Yangiliklar tasmasi

Angliyaning Frantsiyaga qarshi tayyorlab qo'ygan "syurprizi" bor. Garet Sautgeyt qaysi variantni tanlaydi?

 9 DEKABR, 2022, 11:23

Angliya terma jamoasi Jahon chempionatining chorak finalida, ehtimol, eng katta sinovga duch kelmoqda. Negaki, "uch sherlar" hozirga qadar nisbatan oson raqiblar bilan to'qnash kelgandi. Ammo jamoada bir qator yo'qotishlar mavjud. Shular ichida eng kattasi yarim himoyachi Deklan Raysning yo'qligidir. Uning o'rnini "Manchester Siti" futbolchisi Kalvin Fillips egallashi kutilmoqda. Quyida Angliyaning ehtimoliy asosiy tarkibini taxmin qilib ko'ramiz.

4-3-3


Himoyada Kayl Uoker Kilian Mbappeni qo'riqlashi ko'zda tutilgan. Unga bu ishda Jon Stounz, Xarri Maguayr va Lyuk Shou yordam beradi. Bu to'rt himoyachi Jordan Pikford qo'riqlaydigan darvozani mudofaa qiladi. Rays o'rnini Fillips egallaydi. U bilan yarim himoyada Xenderson va Bellingem harakat qiladi. Qanot hujumi Fil Foden va Bukayo Sakadan tashkil topadi. Ular mos ravishda chap va o'ng qanotda o'ynaydi. Markaziy hujumda Xarri Keyn yo'l boshlaydi. Mbappeni to'xtatishda Saka ham jonbozlik ko'rsatishi aytilgan.

4-2-3-1


Sautgeytda tarkibni nisbatan himoyaviy qilib tuzish varianti ham mavjud. Mudofaa shunday qoladi. Xususan, Fillipsning himoyadagi qobiliyati uni asosiy tarkibda tushishiga imkon beradi. Shu sabab, u Bellingem bilan tayanch yarim himoyasini tashkil qilib berishadi. Bunday yarim himoya Bellingemni hujumga ko'proq yordam berishiga imkon beradi. Qanotlarda Reshford va Saka o'ynaydi. Foden markazda joylashadi. Hujumda esa doimgidek Xarri Keyn.

3-4-3


Sautgeytning eng ishongan bu taktikasi aynan Frantsiyaga qarshi qo'llanishi mumkin, albatta. Ha, Angliya Qatardagi turnirda, asosan, to'rtta himoyachidan iborat mudofaani tashkil qilgandi. Ammo bu safar boshqacha bo'lishi mumkin. Bunda Uoker, Stounz va Maguayr bilan uchtalik himoyaga olib o'tiladi. Uoker Tripper bilan Mbappeni to'xtatishga harakat qiladi. Fillips yana yarim himoyaning o'ng tomoniga tashlanadi. U va Bellingem markazda, boshqa qanotdan esa Shou joy oladi. Hujum doimgidek Saka, Foden va Keyndan tashkil topadi.

 

 

 

ISMATOV J.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR