"MYu" Girassidan umidini uzdi va e'tiborini boshqa futbolchiga qaratmoqda

 23 DEKABR, 2023, 13:36

"Manchester Yunayted" "Shtutgart" hujumchisi Sera Girassi uchun kurashdan voz kechishga qaror qildi. The Sun nashri xabariga ko'ra, "qizil iblislar" e'tiborini "Sevilya" hujumchisi Yusuf En-Nosiriga qaratgan.

"Mankunianliklar" skautlari marokashlik futbolchining so'nggi uchrashuvlardagi o'yinlarini kuzatib borishdi. Katta ehtimol bilan "Manchester Yunayted" afrikalik futbolchini yanvardagi transfer oynasida qo'lga kiritishga harakat qiladi.

Joriy mavsumda En-Nosiri 24 ta o'yin o'tkazib, 9 ta gol urdi va 2 ta golli uzatmani amalga oshirdi. Hujumchining "Sevilya" bilan amaldagi shartnomasi 2025 yilning o'rtalariga qadar tuzilgan. Uning transfer narxi 18 million evro.