Pochettino: "Chelsi" yangi transferlarni amalga oshirishga tayyor"

 23 DEKABR, 2023, 13:24

"Chelsi" bosh murabbiyi Maurisio Pochettino "ko'klar"ning kelayotgan transfer oynasidagi rejalari haqida gapirdi.

"Men sport direktori bilan doim aloqadaman. Biz vaziyatni doimiy ravishda baholaymiz. Agar bizga transferlar kerak bo'lsa, ishlashga tayyormiz. Biz birgalikda jamoa uchun eng yaxshi qarorni qabul qilamiz", - dedi argentinalik murabbiy Sky Sports bilan suhbatda.

"Chelsi" Angliya Premer-ligasining joriy mavsumida yomon o'yin ko'rsatmoqda. “Ko'klar” 17 turdan keyin 22 ochko jamg'arib, turnir jadvalida o'ninchi o'rinni egallab turibdi. London klubi navbatdagi o'yinni "Vulverxempton"ga qarshi o'tkazadi.