"Real" so'nggi 12 yildagi eng yaxshi startni namoyish etdi

 23 DEKABR, 2023, 13:00

Ispaniya chempionatining 18-turi doirasida Madridning “Real” klubi safarda “Alaves” bilan uchrashdi. Karlo Anchelotti shogirdlari 1:0 hisobida minimal g'alabaga erishdi. Yagona golga Lukas Vaskes qo'shib berilgan vaqtda mualliflik qildi.

18 tur yakunlariga ko'ra, madridliklar 45 ochko jamg'arib, Ispaniya chempionati turnir jadvalida birinchi o'rinni egallab turibdi. Madrid Xtra xabariga ko'ra, bu "Los Blankos"ning La Ligadagi so'nggi 12 yildagi eng yaxshi starti.

Navbatdagi o'yinda Karlo Anchelotti shogirdlari o'z maydonida “Malorka”ga qarshi maydonga tushadi. Uchrashuv 3 yanvar, chorshanba kuni bo'lib o'tadi.