Depay van Galning Niderlandiya o'yiniga ta'siri haqida gapirdi

 9 DEKABR, 2022, 02:16

Niderlandiya terma jamoasi hujumchisi Memfis Depay terma jamoa bosh murabbiyi Lui van Galning faoliyati haqida gapirdi.

"Van Galning o'yinimizga ta'siri? Bu natijalardan ko'rinib turibdi. U murabbiyimizga aylanganidan beri birorta o'yinda mag'lubiyatga uchramadik, jamoada intizom yaxshilandi. Bu hamma uchun juda muhim edi. Har bir inson uning o'yinga bo'lgan qarashlarini, o'ziga xosligini va har xil o'yin uslubiga ega kuchli jamoalar qurish borasidagi fazilatlarini biladi. Har holda, uning tafakkuri va g'alabaga bo'lgan ishtiyoqi evaziga uning qo'l ostidagi jamoalar muvaffaqiyatga erishdi. U juda aniq g'oyalarga ega va ularni jamoaga etkazadi", - dedi Depay Mundo Deportivo nashriga.