"Manchester Siti" tarixida bunday omadli mavsum bo'lmagan

 23 DEKABR, 2023, 12:18

"Manchester Siti" o'z tarixidagi eng muvaffaqiyatli yilni o'tkazdi.

Pep Gvardiola shogirdlari kecha klublar o'rtasidagi jahon chempionati finalida "Fluminense"ni 4:0 hisobida mag'lub etib, 2023 yildagi beshinchi sovrinini qo'lga kiritdi.

Avvalroq “shaharliklar” Premer-liga, Chempionlar ligasi, Angliya kubogi va Evropa Superkubogida g'olib chiqishgan. Ular Angliya Superkubogida "Arsenal"ga mag'lub bo'lishdi.

"Manchester Siti" hech qachon bir yil ichida bunchalik ko'p turnirda g'alaba qozona olmagan.

Qolaversa, "shaharliklar"ga qadar birorta ham ingliz jamoasi bir yil ichida Premer-liga, Chempionlar ligasi, Angliya kubogi, Evropa Superkubogi va klublar o'rtasidagi jahon chempionatida g'alaba qozona olmagan.