"PSJ" prezidenti Superliga haqida fikr bildirdi

 9 DEKABR, 2022, 00:03

"PSJ" prezidenti Nosir Al-Xelayfi 2021 yilda 12 ta klub tomonidan tashkil etilishi ko'zda tutilgan Superliga loyihasi haqida gapirdi. Ulardan 9 nafari bu g'oyadan tezda voz kechishdi - loyihani hanuzgacha "Yuventus", "Barselona" va "Real Madrid" qo'llab-quvvatlamoqda.

Al-Xelayfining fikricha, Superliga loyihasini amalga oshirishning iloji yo'q.

"Menimcha, ular buni bilishadi, lekin ular Evropa klublari assotsiatsiyasi va UEFAdan maksimal foyda olishni istashadi. Ammo ularda kelishadigan hech narsa yo'qligi aniq.

Barcha UEFA klublari birlashgan, biz avvalgidan ancha yaxshi ishlayapmiz. Biz turli darajadagi klublarning katta oilasiga o'xshaymiz – barchamiz Evropa futboli manfaatlari haqida qayg'uramiz”, dedi Al-Xelayfi Sky Sports bilan suhbatda.