Pioli durangdan so'ng: "To'rt yoki besh marta gol urishimiz mumkin edi"

 23 DEKABR, 2023, 10:42

"Milan" bosh murabbiyi Stefano Pioli jamoasining "Salernitana"ga (2:2) qarshi o'yini haqida fikr bildirdi.

“Rossonerilar” A seriyaning asosiy autsayderiga deyarli yutqazishayotgandi, ammo 90-daqiqada Luka Yovichning goli evaziga mag'lubiyatdan qutulib qolishdi.

“Biz kichik xatolarga yo'l qo'yamiz, biroq ular qimmatga tushadi va bu ishonchni so'ndiradi. Yagona ijobiy narsa - futbolchilarning tezkor reaktsiyasi.

Biz xarakter va g'alaba uchun oxirigacha kurashish istagini ko'rsatdik. Agar bizda mavjud bo'lgan barcha golli vaziyatlarni hisobga oladigan bo'lsak, to'rt yoki besh marta gol urishimiz mumkin edi. Afsuski, o'yin davom etar ekan, biz "Salernitana"ga o'ziga ishonish va o'yinni o'zgartirishga imkon berdik.

Agar biz buyuk jamoa bo'lishni istasak, bunga yo'l qo'ymasligimiz kerak", dedi Pioli.