"Atletiko" hujumchisi italyan grandlari radarida

 23 DEKABR, 2023, 10:00

"Alaves"da ijara asosida o'ynayotgan "Atletiko" hujumchisi Samuel Omorodionga A Seriya klublari qiziqish bildirmoqda.

19 yoshli futbolchi joriy mavsumda o'zining ishonchli o'yini bilan e'tirofga sazovor bo'ldi. Insayder Nikolo Skiraning ma'lum qilishicha, ispaniyalik futbolchini bir vaqtning o'zida Italiyaning ikkita klubi - "Milan" va "Fiorentina" kuzatmoqda.

Transfermarkt portali yosh forvardning transfer qiymatini 20 million evroga baholamoqda. Samuel Omorodion joriy mavsumda “Alaves” safida La Ligada 17 ta o'yinda maydonga tushib, 5 ta gol urdi, futbolchi Ispaniya yoshlar jamoasida ham 5 ta o'yinda 2 ta gol urdi.