logotip
Assalom-u alaykum, Mehmon!
Soat: 18:48
KirishA'zo bo'lish
TAVSIYA QILAMIZ
Yangiliklar tasmasi

Klublar o'rtasidagi jahon chempionati finaliga oid raqamlar va faktlar

 23 DEKABR, 2023, 09:24

Angliyaning “Manchester Siti” jamoasi Braziliyaning “Fluminense” klubini tor-mor etib, klublar o'rtasida jahon chempioniga aylandi.

Uchrashuv “shaharliklar”ning 4:0 hisobidagi g'alabasi bilan yakunlandi. Ushbu muvaffaqiyatdan so'ng “Manchester Siti” klublar o'rtasidagi JCh, APL, Chempionlar Ligasi, Angliya Kubogi va Evropa Superkubogini qo'lga kiritgan ilk ingliz klubiga aylandi.

Klublar o'rtasidagi mundialda ketma-ket 11 marta Evropa klubi g'olib bo'lmoqda. So'nggi bor 2012 yilda “Chelsi” Braziliyaning “Korintians” jamoasiga mag'lub bo'lgandi. Shundan buyon “Real” 5 marta, “Bavariya” 2 marta, “Barselona”, “Liverpul”, “Chelsi” va “Manchester Siti”lar bir martadan ushbu turnirda zafar quchdi.

“Shaharliklar” yarim himoyachisi Rodri turnirning eng yaxshi futbolchisi deb topildi va “oltin to'p”ga ega chiqdi. “Kumush to'p” uning jamoadoshi Kayl Uokerga topshirildi. Kuchli uchlikni “Fluminense” yarim himoyachisi Jon Aryas yakunlab berdi.

Manchester klubi bosh murabbiyi Pep Gvardiola esa musobaqada rekordchiga aylandi. Ispaniyalik mutaxassis 4 marta klublar o'rtasidagi jahon chempionatida zafar quchmoqda. Bunga qadar “Barselona” (2009, 2011) va “Bavariya” (2013) bilan shohsupaga chiqqan edi.

Shuningdek, Gvardiola murabbiylik faoliyati davomida 37-sovrinini qo'lga kiritdi. Bu borada Pep Aleks Fergyusondan ortda qolmoqda. “Manchester Yunayted”ning sobiq murabbiyi hisobida 49 ta sovrin mavjud.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR