A Seriya. "Latsio" va "Jenoa" o'z o'yinlarida g'alaba qozondi

 23 DEKABR, 2023, 00:36

Italiya chempionati 17-turidan o'rin olgan bahsda “Latsio” safarda “Empoli”ni mag'lub etdi – 2:0.

Rimliklar safida gollarga Matteo Genduzi va Mattia Zakkani mualliflik qilishdi.

"Latsio" 24 ochkoga ega va A Seriya turnir jadvalida 9-o'rinda, "Empoli" esa 12 ochko bilan 18-o'rinda bormoqda.

“Jenoa” safarda “Sassuolo”dan ustun keldi – 2:1. Genuyaliklar 64 va 87-daqiqalarda gol urib, irodali g'alabaga erishdilar.

“Jenoa” (19 ochko va 14-o'rin) A Seriya turnir jadvalida “Sassuolo”ni (16 ochko va 15-o'rin) ortda qoldirdi.