Ten Xag «Manchester Yunayted» o'yinchilarini tanqid qildi

 8 DEKABR, 2022, 15:42

«Manchester Yunayted» bosh murabbiyi Erik ten Xag Ispaniyaning «Kadis» klubiga qarshi bo'lib o'tgan o'rtoqlik o'yini borasida o'z fikrlari bilan o'rtoqlashdi. «Qizil iblislar» mazkur bahsda 2:4 hisobida imkoniyatni boy berishdi.

«Biz raqibni yaxshi o'rgangandik. Ammo, shunga qaramay, juda ko'p oddiy xatolarga yo'l qo'ydik. Futbolchilarning bunday munosabatini qabul qilib bo'lmaydi.

Ha, bu norasmiy o'yin edi, ammo bu men aytayotgan so'zlarning mohiyatini o'zgartirmaydi. Bizga o'yin intizomi etishmayapti. Buni o'zgartirishimiz kerak.

Bundan saboq chiqarishimiz kerak. Hattoki kichik xatolar ham jiddiy oqibatlarga olib kelishi mumkin. «Kadis» bilan o'yinda shunday bo'ldi», - dedi Ten Xag.