logotip
Assalom-u alaykum, Mehmon!
Soat: 23:04
KirishA'zo bo'lish
TAVSIYA QILAMIZ
Yangiliklar tasmasi

"Andijon" Turkiyada Ruminiya chempionati karvonboshisi bilan o'ynaydi

 22 DEKABR, 2023, 23:36

“Andijon”ning Turkiyada o'tkazadigan bo'lajak o'quv-mashg'ulot yig'ini doirasida o'tkaziladigan nazorat uchrashuvlaridagi raqiblari haqida ma'lumotlar berib borayotganimizni yaxshi bilasiz.

Shuni ma'lum qilamizki, jamoaning Antaliyadagi yana bir raqibi aniqlandi. “Viitoriul Selimbar” (“CSC 1599 Selimbar”) “Andijon” jamoamizning navbatdagi raqibiga aylandi.

Ma'lumot uchun, 2016 yili tashkil topgan mazkur jamoa Ruminiyada Liga 2 chempionatida ishtirok etadi va ayni paytda 20 ta jamoa orasida musobaqa jadvalida 15 ta o'yinda 32 ochko to'plab yakka peshqadam bo'lib turibdi. Ularning asosiy maqsadi Liga 1 ga yo'llanma olish (bu xuddi pro ligadan Superligaga yo'l olish kabi).

Hozirda Ruminiya chempionatida qishki ta'til e'lon qilingan. “Viitoriul Selimbar”ga ruminiyalik 47 yoshli mutaxassis Klaudiu Nikulesku bosh murabbiylik qilmoqda.

Eslatib o'tamiz, bungacha Janubiy Koreya olimpiya terma jamoasi (27 yanvar), TsSKA (1 fevral), “Chernomorets” (4 fevral) va “Aleksandriya” (12 fevral)ga qarshi o'yinlar o'tkazilishi to'g'risida xabar berib o'tgandik. “Viitoriul Selimbar” – “Andijon” o'rtasidagi bellashuv esa 4 fevral sanasiga belgilangan. Aynan shu kuni jamoamiz Antaliyada ikkita nazorat o'yinini o'tkazadi.

Shunday qilib, Turkiya yig'inidagi 5-raqibimiz ham ma'lum bo'ldi. Biz yana ma'lumotlar taqdim etishda davom etamiz.  

“Andijon” matbuot xizmati.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR