Luis Enrike yaqin soatlar ichida iste'foga chiqadi

 8 DEKABR, 2022, 11:58

Ispaniya terma jamoasi bosh murabbiyi Luis Enrike jahon chempionatidagi muvaffaqiyatsizlikdan so'ng o'z lavozimini tark etadi.

Ispaniyaliklar Marokash terma jamoasiga qarshi 1/8 finali bosqichida penaltilar seriyasida mag'lub bo'lishdi. Enrikening shartnomasi dekabr oyi oxirigacha amal qiladi, biroq u uzaytirilmaydi, deya xabar bermoqda El Larguero.

Taxminlarga ko'ra, 48 soat ichida mutaxassisning ketishi rasman tasdiqlanadi va uning o'rniga asosiy nomzod hozirda Ispaniya yoshlar terma jamoasini boshqarayotgan Luis de la Fuente bo'lib turibdi.

Luis Enrike 2018 yilning yozidan beri lavozimda. Mish-mishlarga ko'ra, uning keyingi ishi "Atletiko Madrid" bo'lishi mumkin.