"Atletiko Madrid" Savichga narx belgiladi

 22 DEKABR, 2023, 15:24

Huquqlari "Atletiko Madrid"ga tegishli bo'lgan markaziy himoyachi Stefan Savich yaqinlashib kelayotgan transfer oynasida ispan klubini tark etishi mumkin.

Bu haqda Todofichajes sahifalarida xabar berilgan. "Matraschilar" rahbariyati futbolchini yanvarda besh million evroga sotishni kutmoqda.

Savichga da'vogarlar orasida Istanbulning “Fenerbaxche” klubi va Saudiya Arabistoni chempionati klublari bor.

Stefan 2015 yilning yozidan beri "Atletiko Madrid"da o'ynamoqda. Tomonlar o'rtasidagi amaldagi shartnoma 2024 yilning iyun oyi oxirida tugaydi. Himoyachi Ispaniya La Ligasining joriy mavsumida o'nta o'yin o'tkazdi.