Kostich Spallettining debyutida 2-daqiqadayoq hisobni ochdi (video)

 2 NOYABR, 2025, 06:34

Filip Kostich "Yuventus" safida Luchano Spalletti boshchiligidagi debyut o'yinida gol urdi.

Turinliklar A Seriyaning 10-turida "Kremoneze"ga qarshi mehmonda o'ynashmoqda (1:0, ikkinchi taym). Kostich ikkinchi daqiqada hisobni ochdi.

Bu mavsumda serbiyalik yarim himoyachi "Yuventus" tarkibida faqat bir marta asosiy tarkibda maydonga tushdi - bu Igor Tudor iste'foga chiqarilganidan keyin vaqtincha bosh murabbiy vazifasini bajaruvchi Massimo Brambilla boshchiligida o'tgan o'yinda "Udineze"ga qarshi (3:1) bo'lgan edi.

Xorvatiyalik mutaxassis qo'l ostida Kostich ko'pincha umuman o'yin vaqti olmagan edi.

Manba: stadion.uz