Bikmaevning "Lokomotiv"dagi lavozimi ma'lum bo'ldi

 22 DEKABR, 2023, 14:36

Marat Bikmaev "Lokomotiv" PFK bosh menejeri etib tayinlandi. 

27-oktyabr kuni ushbu mavsum futbolchilik faoliyati bilan xayrlashgan Marat Bikmaev klub tizimida ish boshlagani haqida xabar berilgandi.

Bugun Marat Bikmaev klub rahbariyati qaroriga ko'ra, "Lokomotiv" PFK bosh menejeri etib tayinlandi.

Ma'lumot uchun, shu paytgacha ushbu lavozimda To'labek Abrarovich Akramov ishlab kelayotgandi.

Endilikda "Lokomotiv"ning barcha yoshdagi jamoalari faoliyatini ta'minlash, klub tizimidagi kadrlar siyosatini olib borish Bikmaev zimmasidagi vazifa hisoblanadi.