Tebas Ronaldu va Messini yana Ispaniyada ko'rishni istaydi
8 DEKABR, 2022, 05:28
La Liga prezidenti Xaver Tebas hujumchilar Lionel Messi va Krishtianu Ronaldu Ispaniyada ko'proq o'ynashini istaydi.
“Men Messining La Ligada ko'proq o'ynashini va Krishtianu xayrlashish uchun qaytib kelishini istardim. Messi "Barselona"ga qaytadimi? Bu uning qancha maosh olmoqchi ekanligiga va klub qancha futbolchini sotmoqchiligiga bog'liq bo'ladi", - deya Tebasning so'zlarini keltiradi Record.
"Manchester Yunayted" bilan shartnomasini bekor qilgan Ronaldu endi erkin agentga aylandi. U avvalroq Ispaniyaning “Real” klubida o'ynagan. Messi 2021 yilda "PSJ"ga o'tishdan oldin butun faoliyatini "Barselona"da o'tkazdi.
