Sterling qachon Qatarga qaytadi?

 8 DEKABR, 2022, 05:24

Angliya terma jamoasi hujumchisi Raxim Sterling juma kuni Qatarga qaytishi mumkin, deb xabar beradi The Telegraph.

27 yoshli ingliz hali JCh-2022ga qaytish borasida yakuniy qarorga kelmagan. U hozirda qurolli talonchilikdan omon qolgan oilasi bilan birga.

Avvalroq Surrey okrugi politsiyasi Sterlingning uyini qurolli o'g'irlash ishi bo'yicha tergov doirasida ikki erkakni qo'lga olgani ma'lum bo'lgan edi. Futbolchining 300 ming funt sterling miqdoridagi taqinchoqlari o'g'irlangan.

Angliya terma jamoasi JCh-2022 chorak finalida Frantsiyaga qarshi maydonga tushadi. Uchrashuv 10 dekabr, shanba kuni bo'lib o'tadi.